કારોબારી સપ્તાહના ત્રીજા દિવસે બુધવારે શેરબજાર મજબૂતી સાથે બંધ થયું હતું. લીલા નિશાન પર ખુલ્યા પછી, સેન્સેક્સ અને નિફ્ટી બંને સૂચકાંકોએ દિવસના ટ્રેડિંગ દરમિયાન તેમના ઉપરનું વલણ ચાલુ રાખ્યું હતું. કારોબારના અંતે બીએસઈના 30 શેરો વાળા પ્રમુખ ઈન્ડેક્સ સેન્સેક્સ 1016.03 પોઈન્ટ અથવા 1.76 ટકાના વધારાની સાથે 58,649.68 ના સ્તર પર બંધ થયા છે. બીજી તરફ, એનએસઈનો નિફ્ટી પણ લીલા નિશાન પર ટ્રેડ થઈને 293.05 પોઈન્ટ અથવા 1.71 ટકાના વધારા સાથે 17,469.75 પર બંધ થયો હતો.
રિઝર્વ બેંક ઓફ ઈન્ડિયા દ્વારા પોલિસી વ્યાજ દરો યથાવત રાખવાના નિર્ણય બાદ આરબીઆઈના નિર્ણયની અસર જોવા મળી હતી, શેરબજારમાં આજે ધમધમાટ જોવા મળ્યો હતો. લીલા નિશાન પર ટ્રેડિંગ શરૂ થયાના થોડા સમય પછી, આરબીઆઈ ગવર્નરે નાણાકીય સમીક્ષા બેઠકમાં લીધેલા નિર્ણયોની માહિતી શેર કરતાની સાથે જ સેન્સેક્સ અને નિફ્ટી બંને સૂચકાંકો ઉછળ્યા હતા. આ નિર્ણય બાદ જ્યાં સેન્સેક્સ 780 પોઈન્ટ ચઢી ગયો હતો ત્યાં નિફ્ટી ફરી એકવાર 17,400ના સ્તરે પહોંચી ગયો હતો.
મજબૂતી સાથે કારોબારની શરૂઆત
સપ્તાહના ત્રીજા કારોબારી દિવસે બુધવારે બજારે લીલા નિશાન પર કારોબાર શરૂ કર્યો. બીએસઈનો 30 શેરોવાળો સેન્સેક્સ 524.91 પોઈન્ટ અથવા 0.91 ટકાના વધારા સાથે 58,158.56 પર ખુલ્યો હતો, જ્યારે એનએસઈનો નિફ્ટી 138.55 પોઈન્ટ અથવા 0.81 ટકાના વધારા સાથે 17,315.25 પર ખુલ્યો હતો.
મંગળવારે 887 પોઈન્ટનો ઉછાળો આવ્યો,
મંગળવારે સેન્સેક્સ અને નિફ્ટી બંને ઈન્ડેક્સ વધારા સાથે બંધ થયા. ટ્રેડિંગના અંતે સેન્સેક્સ 886.51 પોઈન્ટના વધારા સાથે 57,633.65 પર બંધ રહ્યો હતો. બીજી તરફ, નિફ્ટી પણ લીલા નિશાન પર ટ્રેડ કરતી વખતે 264.45 પોઈન્ટના વધારા સાથે 17,176ના સ્તરે બંધ રહ્યો હતો.
